भक्तपुरमा प्रशासनको दाबीविपरीत अझै ग्याँस अभाव, उपभोक्ता सिलिन्डरका लागि धाउन बाध्य

भक्तपुरमा प्रशासनको दाबीविपरीत एलपी ग्याँसको चरम अभाव देखिएको छ। प्रमुख जिल्ला अधिकारी विनोदकुमार खड्काले आपूर्ति सहज भएको र सिलिन्डर साटेर लिन सकिने बताए पनि उपभोक्ता महिनौँदेखि भौँतारिरहेका छन्। स्थानीय सविना बोहजु र सुनील दुवालले तीन महिनादेखि डिलर र पसल धाउँदा पनि ग्याँस नपाएको गुनासो गरे।

दसैँअघि वितरणको सूचना दिने प्रशासनले अहिले सहज ठानेर सूचना रोकेको छ। बजारमा ग्याँस सहज भएको हल्ला चले पनि वास्तविक उपभोक्तासम्म नपुग्दा घरायसी कामकाज प्रभावित भएको छ। प्रशासनको दाबी र यथार्थबीच तालमेल नहुँदा उपभोक्ता अन्योलमा छन्।